Стив Жобснинг яқинлари унинг меросига бағишланган рақамли архив яратдилар

Apple асосчиси Стив Жобснинг дўстлари ва оиласи тадбиркор ва ихтирочи меросини сақлаб қолиш учун 2022 йил 30 август куни «Стив Жобс архиви» деб номланган  сайтни ишга туширди.

Айни пайтда сайтдаги маълумотлар миқдори анчагина оз — унда Жобснинг ўзига қарата ёзилган ҳамда инсониятга бўлган муҳаббатига бағишланган мактуби, шунингдек, видео ва аудио ёзувлар билан бир нечта ажойиб иқтибослар мавжуд.

Маълум қилинишича, сайт Стивга тегишли тарихий материаллар омбори бўлиб хизмат қилади, уларнинг баъзилари илгари ҳеч қачон нашр этилмаган. Стивнинг турмуш ўртоғи Лорен Пауелл Жобс ижодкорлар алоҳида эътиборни моддий артефактларга эмас, балки Жобсни ҳаракатга келтирган ғоялар ва тушунчаларга қаратганини таъкидлади.

Булардан ташқари, Стив Жобс қадриятларини акс эттирувчи дастурлар, стипендиялар ва тўпламлар яратилади.