Ракетани кодлашни ўрганамиз

«Tech Advisor» сайти 2023 йилнинг  болалар учун энг яхши кодлаш ва STEM ўйинчоқлари рўйхатини эълон қилди. 

Рўйхатда дастурлаш, робототехника ва электроникани ўз ичига олувчи  қизиқарли STEM ўйинчоқлари санаб ўтилган. Улар орасидаги ажойиб ўйинчоқлардан бири «Code rocket»  бўлиб, бу ажойиб ракета аслида учмаса-да, у болаларни дастурлаш соҳасига қизиқтириш ва  кодлашни осон ўзлаштиришига катта ёрдам беради.

Болалар Scratch, Hour of Code ёки Blockly каби блок тиллари билан кодлашни бошлайдилар. Уларнинг дастурлаш соҳасидаги билимлари ошгани сари улар худди NASA дастурчилари каби матнга асосланган кодга (C++) ўтишлари мумкин. Ажойиб дизайнга эга бўлган ракетада LED чироқлари, тугмалар ва овоз карнайлари мавжуд.

Болалар Windows, Mac ёки Chromebook компьютерларидан фойдаланган ҳолда ракетанинг LED чироқларини ва овоз эффектларини назорат қилувчи кодларни мустақил равишда ёзишлари ва синовдан ўтказишлари мумкин. Бугунги кунда уларни Amazon shop орқали 69$ га харид  қилишингиз мумкин.

https://www.techadvisor.com/article/723603/best-coding-and-stem-toys-for-kids-2022.html