Xiaomi автоматик озиқлантирувчи ақлли аквариумни намойиш этди

Xiaomi ўзининг биринчи ақлли “Mijia Smart Fish Tank” аквариумини 2022 йил 28 декабрь куни «Xiaomi Youpin crowdfunding » платформасида намойиш этди. «Mi Home» иловасидан фойдаланган ҳолда балиқларни озиқлантириш, озуқа миқдори ва бериш графигини белгилаш ва назорат қилиш мумкин. Бундан ташқари, аквариумда сув насоси, ёритиш мосламаси, фильтрлаш тизими ва ҳарорат сенсори бор - ундан олинган маълумотларни аквариум мустақил равишда ташқи томондаги кичик экранда кўрсатиш билан бир қаторда мобил иловага ҳам юборади. Аквариумда турли хил режимларда ишлайдиган ёритиш мосламаси ҳам мавжуд бўлиб  ёруғлик миқдорини илова орқали ўзингиз истагaндек ўзгартириш имкониятига эга бўласиз.

Биргина  тугмани босиш орқали  аквариум сувини насос билан тўкиб ташлашлари  мумкин. Насос ақлли режимда ишлаганлиги учун  сув ўтлари ва озуқа қолдиқларини автоматик тарзда тозалайди. Шу сабабли, сувни олти ойгача алмаштириш шарт эмас. 

https://lifehacker.ru/umnyj-akvarium-xiaomi