“Facebook” асосчиси - Марк Эллиот Цукерберг

“Facebook” асосчиси - Марк Эллиот Цукерберг. Америкалик бизнес магнати, интернет тадбиркори ва хайриячи 1984 йил 14 май АҚШнинг Нью-Йорк штатида туғилган. У “Facebook”  ижтимоий медиа веб-сайти ва унинг бош компанияси “Мета” платформаси асосчиси сифатида танилган ва ҳозирги раиси ҳамда бош ижрочи директори, назорат пакети эгаси. 

Цукерберг ўрта мактабда компьютерлардан фойдаланишни ва дастурлашни бошлади. Мактаб даврида у уйи билан отасининг ишхонаси ўртасидаги барча компьютерлар бир-бири билан алоқа қилиш имконини берувчи дастур яратдган. Цукерберг ўрта мактабда ўқиб юрган йилларида “Synapse Media Player” деб номланган мусиқа плеерини яратиш устида ишлаган.

Бироз вақт ўтгач, у “Faсemash” деб номланган дастур яратди. Бу талабаларга фотосуратлар орасидан энг чиройли одамни танлаш имконини берадиган дастур эди. Аввалига сайтга иккита йигит ва иккита қизнинг расми жойлаштириларди. Сайтга кирганлар эса, улардан ким “яхшироқ” эканлигини танлаб, энг кўп овоз йиғган фотосурат эгаси, ғолиб бўлиш шарти белгиланган эди.

Цукерберг Гарвард университетида ўқиб келиши давомида, 2004 йил февраль ойида хонадошлари Эдуардо Саверин, Эндрю Макколлум, Дастин Московиц ва Крис Хюз билан бирга “Facebook”ни яратишади. 

Дастлаб бу сайт коллеж ва шаҳарчалардаги одамларни онлайн мулоқот қилиш учун ишга туширилган бўлсада, тез орада у йигит ва қизлар суратлари билан тўлдирилиб кенгайди ва 2012 йилда ижтимоий тармоқ фойдаланувчилари сони 1 миллиардга етиб дунёга оммалашди. 

Шундай қилиб, 2007 йилда Цукерберг 23 ёшида дунёдаги энг ёш миллиардерга айланди. Бугунги кунда Цукерберг ўз маблағларини кўплаб хайрияларга ишлатиб келмоқда.